Veiligheid in die publiek
Annelie Etsebeth
Voordat jy met jou kind na 'n winkelsentrum of enige ander publieke plek gaan, is dit raadsaam om vir hulle 'n paar veiligheidswenke te leer.
Herinner hulle gereeld wat om te doen sou hulle verlore raak:
- Staan altyd stil en wag, want onthou mamma of pappa soek jou ook.
- Moet nooit met ‘n vreemdeling praat nie; indien nodig praat met ‘n tannie wat klein kindertjies het of ‘n tannie wat in die winkel werk.
- Leer mamma of pappa se telefoonnommer uit jou kop, so kan die tannie wat jou help vir mamma of pappa bel.
- Jy mag nooit die winkel verlaat waar jy mamma of pappa verloor het nie, ook nooit saam met ‘n ander persoon nie.
- Indien ‘n vreemdeling jou uit die winkel wil neem, skree so hard as wat jy kan: “Dis nie my ma nie, dis nie my pa nie, HELP my!”
- Jy mag nooit in ‘n ander persoon se voertuig klim nie!
Annelie Etsebeth, 083 258 3314, annelie@manners4minors.co.za