Artikel 10: Finansies

• Vir die vereffening van administratiewe koste van die Vereniging en bestuur, vir die finansiering van goedkeurde projekte en vir die opbou van ‘n reserwefonds, is die bestuur bevoeg om ‘n bedrag jaargeld ten opsigte van affiliasie van elke lid te hef. Die bedrag word deur die bestuur bepaal.
• Fondse van die Vereniging verkry ingevolge paragraaf (a) hierbo of op enige ander wyse, kan deur die bestuur aangewend word vir die verwesenliking van die doelstellings van die Vereniging soos wat die bestuur mag goeddink.
• Fondse van die Vereniging verkry ingevolge paragraaf (a) hierbo of op enige ander wyse, en wat nie onmiddellik vir die doeleindes van die Vereniging benodig word nie, kan deur die bestuur belê word na goedkeuring deur die bestuurslede teen sekuriteit van verband oor vaste eiendom, of op enige ander wyse, soos die bestuur mag goeddink. Eweneens mag die bestuur geld leen teen sekuriteit van verband oor die Vereniging se vaste eiendom, na goedkeuring deur die bestuurslede.
• ‘n Behoorlik geouditeerde finansiële staat sal jaarliks voor die algemene vergadering/Seminaar voorgelê word.
• ‘n Begroting van verwagte inkomstes en uitgawes vir die volgende jaar moet jaarliks tydens die November bestuursvergaderig voorgelê en deur die bestuur goedgekeur word.